काठमाडांै । जिल्ला प्रहरी कार्यालय जुम्लाले प्रतिबन्धित नेकपाका जुम्ला जिल्ला सेक्रेटरी सहित ३ जना कार्यक्रर्ता समातेको छ । जुम्लाको तिला गाउँपालिका–७, घोडेगाउँबाट उनीहरू समातिएका हुन् । कर्णाली प्रदेश प्रहरी कार्यालयका प्रवत्ता राजेशनाथ बाँस्तोलाले दिएको जानकारी अनुसार उनिहरु जुम्ला जिल्ला सेक्रेटरी राजबहादुर भाम, नन्द तिरुवा र सपना बुढा हुन् ।
उनिहरुबाट प्रहरीले रसिद, विप्लव नेकपाको सदस्यता रसिद, किताब बरामद भएको प्रदेश प्रहरी कार्यालयले जानकारी दिएको छ ।
साथै हिजो मात्र नेकपा काभ्रेका नेता प्रशान्तकुमार मोक्तान (प्रेम लामा) भक्तपुरको सूर्यविनायकस्थित लक्ष्मीमार्गबाट काभ्रे प्रहरीले गि’रफ्तार गरेको थियो । त्यसै गरी हरी तिन दिन अघिमात्र बाढी पहिरो र कोरोनाबाट प्रभावति स्थानीयलाई राहत वितरण गर्दै नेकपा जिल्ला सेक्रेटरसहित आधा दर्जन नेतालाई प्रहरीले गिसरफ्तार गरेको थियो । त्यस्तै नेकपाका केन्द्रीय सदस्य तथा धौलागिरि ब्युरो इन्चार्ज ध्रुव घिमिरे ‘विप्लव’ का नाउँमा म्याग्दी जिल्ला अदालतले पक्राउ पुर्जी टाँसेको थियो । त्यस्तै गरी पश्चिम रुकुममा विप्लव निकट नेकपाका अखिल (क्रान्तिकारी) का जिल्ला अध्यक्ष प्रेम प्रशान्त बोहोरा, घमण्ड महर र गोपीप्रसाद घर्तीलाई गिरफ्तार गरेको थियो ।
सरकारबाट यसरी नै धरपकड र गि रफ्तारी जारी रहे आफूहरु प्रतिरोध गर्न बाध्य हुने नेकपाले चेतावनी दिएको छ । पार्टीका महासचिव विप्लवले हालै दिएको एक अन्तरवार्तामा विप्लवले गिरफ्तारीले एकीकृत जनक्रान्ति नरोकिने बरु सरकारलाई गारो हुने चेतावनी दिएका थिए । यो निकै अनैतिक, अमानवीय र क्रूर भएकाे जिकिर गरेका छन् । त्यस्तै नेकपाले कोरोना महामारीमा जनताको भावनालाई कदर गर्दै राज्यविरुद्ध आक्रामक कारबाहीहरू राकेको उल्लेख गरका छन् ।
उनले केपी सरकारले कायर्कता विरुद्ध अप्रेसन गर्ने, गिरफ्तार गर्ने, जेल हाल्ने कार्य एकछिन पनि नरोकेको प्रति आलोचना गरेका थिए । उसको यो अनैतिक, हिंसावादी व्यवहारलाई जनताले पनि बुझ्दै गएको । केपीले केही कमरेडहरूलाई गिरफ्तार गरेर र जेल हालेर एकीकृत जनक्रान्ति रोकिने होइन, बरु यसले हामीलाई होइन, उसैलाई समस्यामा पार्ने बताएका थिए ।
