काठमाडौं । नेपालका लागि चिनियाँ राजदूत होउ यान्छीको राजनीतिक सक्रियाता बढिरहेको छ । मंगलबार नेपाल विहान कम्युनिस्ट पार्टी (नेकपा)का नेता झलनाथ खनालसँग भेटवार्ता गरेकी छन् ।
खनाललाई भेट्न यान्छी डल्लुस्थित निवासमा पुगेकी थिइन् । (नेकपा) को विवाद फुट नजिक पुगेपछि चिनियाँ राजदूत यान्छीको सक्रियाता बढेको हो । यसअघि अर्का नेता माधव कुमार नेपालसँग भेटेकी थिइन् ।
राजदूत यान्छी चिनियाँ राष्ट्रपति सी चिनफिङको सन्देश लिएर नेताहरुसँग भेटवार्ता गरिरहेकी छन् । सीले (नेकपा)का नेताहरुलाई नफुट्न र आन्तरिक विवादलाई छलफलको माध्यमबाट समाान गर्न सन्देश पठाएको बताइएको छ ।
(नेकपा)को स्थायी समिति बैठकमा अध्यक्ष तथा प्रधानमन्त्री केपी शर्मा ओलीको राजनामा मागेपछि विवाद फुट नजिक पुगेको छ । पार्टी फुट्न नदिन सबै नेताहरुले छलफलमा जुटेका छन् । पार्टी विभाजनको लागि ओलीले तयारी गरिरहेको बताइएको छ ।
प्रधानमन्त्री ओलीले जारी संसद एकाएक बन्द गरेपछि विवाद चुलीमा पुगेको छ । प्रधानमन्त्रीले अध्यादेश ल्याएर पार्टी फुटाउन लागेको भन्दै अर्का अध्यक्ष प्रचण्ड, नेता माधव कुमार नेपाल, झलनाथ खनाल, वामदेव गौतमलगायतका नेताहरुले विरोध जनाएका छन् । ओलीले कार्यशैली र सरकारको काम जनताको हितमा नभएको भन्दै राजिनामा मागिरहेका छन् ।
