News Portal

  • कोरोना भाइरसः सबै उपायहरु अवलम्बन गर्न प्राधिकरणको अनुरोध

    १८८ पटक

    काठमाडौं । राष्ट्रिय पुनर्निर्माण प्राधिकरणले कोरोना भाइरस (COVID-19) रोकथाम तथा नियन्त्रणका लागि सुरक्षा तथा सतर्कताका सबै उपायहरु अवलम्बन गर्न अनुरोध गरेको छ । प्राधिकरणले शनिबार विज्ञप्ति जारी गरेर पुनर्निर्माण तथा पुनर्स्थापनासँग सम्बन्धित सबैलाई सो अनुरोध गरेको हो ।

    उपप्रधान तथा रक्षामन्त्री ईश्वर पोखरेलको संयोजकत्वमा गठित COVID-19 संक्रमण, रोकथाम तथा नियन्त्रण उच्चस्तरीय समन्वय समितिबाट COVID-19 संक्रमण, रोकथाम तथा नियन्त्रणका लागि गरिएका निर्णयहरुको कार्यान्वयन गर्न पनि आग्रह गरेको छ ।

    प्राधिकरणका प्रवक्ता गोपालप्रसाद अर्यालले प्रेस विज्ञप्ति जारी गर्दै उपप्रधान तथा रक्षामन्त्री ईश्वर पोखरेलको संयोजकत्वमा गठित COVID-19 संक्रमण, रोकथाम तथा नियन्त्रण उच्चस्तरीय समन्वय समितिले गरेका निर्णय कार्यान्वयन गर्न समेत भनेका छन् । प्रबक्ता अर्यालद्वारी विज्ञप्तिमा भनिएको छ, ”२०७२ साल वैशाख १२ को भूकम्प र त्यसपछिका परकम्पहरुबाट क्षति भएका संरचनाहरुको पुनर्निर्माण तथा पुनर्स्थापना कार्य जारी रहेका बेला COVID-19 ले विश्वव्यापी रुपमा नै स्वास्थ्यमा प्रभाव पारेकाले विशेष सतर्कता अपनाउनु पर्ने अवस्था सिर्जना गरेको छ । यसै अवस्थालाई ध्यानमा राखी पुनर्निर्माण तथा पुनर्स्थापना सम्बन्धी कार्यमा नेपाल सरकारद्वारा माननीय उपप्रधान तथा रक्षामन्त्री ईश्वर पोखरेलज्यूको संयोजकत्वमा गठित COVID-19 संक्रमण, रोकथाम तथा नियन्त्रण उच्चस्तरीय समन्वय समितिबाट २०७६ साल चैत्र ५ गते COVID-19 संक्रमण, रोकथाम तथा नियन्त्रणका लागि गरिएका निर्णयहरुको कार्यान्वयन गर्दै सुरक्षा तथा सतर्कताका सबै उपायहरु अवलम्बन गर्न पुनर्निर्माण तथा पुनर्स्थापनासँग सम्बन्धित सबैलाई हार्दिक अनुरोध गरिन्छ ।”

     

     

    प्रतिकृया दिनुहोस्