News Portal

  • २ थान पेस्तोल र म्यागजिनसहित युवक पक्राउ

    ३७६ पटक

    लहान । सिरहाको कमला नदी किनारमा पर्ने चतरीघाटबाट प्रहरीले २ थान स्वचालित अमेरिकी पेस्तोल र खाली म्यागजिनसहित युवकलाई पक्राउ गरेको छ ।

    जिल्ला प्रहरी कार्यालय सिरहाबाट सादा पोशाकमा खटिएको गस्ती प्रहरीले कल्याणपुर नगरपालिका ३ इटारीप्रसाहीका २१ वर्षिय अहमद मियाँलाई बुधबार ७ र ९ एमएम लेखिएको २ थान स्वचालित पेस्तोलसहित पक्राउ गरेको प्रहरीको भनाइ छ ।

    प्रहरीका अनुसार २ थान स्वचालित पेस्तोलसँगै त्यसमा लाग्ने दुई थान खाली म्यागजिन समेत बरामद भएको छ ।
    सादा पोशाकमा रहेको गस्ती टोलीले शंकास्पद अवस्थामा हिडिरहेका मियाँलाई रोकेर चेकजाँच गर्दा मेड इन युएसए लेखिएको ७ एमएमको स्वचालित पेस्तोल र खाली म्यागजिन भेटिएको प्रहरी उपरीक्षक चतुर्वेदीले जानकारी दिए ।

    उनका अनुसार प्रहरीलाई देखेपछि मियाँले बाटो छेउमै रहेको धान खेतमा फालेका फेट्रिब्राटा यु.एस.ए. ९ एमएम लेखिएको पेस्तोल र त्यसको खाली म्यागजिन बरामद भएको हो ।

    प्रतिकृया दिनुहोस्