News Portal

  • मरेको कुखुरा खाँदा ९ जना बिरामी, एक जनाको मृत्यु

    १७६ पटक

    बैतडी । मरेको कुखुरा खाँदा बैतडीको पुरचौडी नगरपालिका २, महादेवस्थानमा एकै घरका ९ जना सिकिस्त विरामी भएका छन् भने एक जनाको मृत्यु भएको छ ।

    स्थानीय छिमेकीको घरमा मरेको कुखुरा ल्याएर खाँदा १५ वर्षिय पुष्पा बोहराको मृत्यु भएको हो । सिकिस्त हुनेमा पार्वती पार्की, गोमती पार्की, राकेश पार्की, जानकी पार्की, मनोज पार्की, रमेश पार्की, भुवन पार्की, रितेश पार्की र सामना पार्की सिकिस्त छन् ।

    सिकिस्त बिरामी परेकाहरुले स्थानीय महादेवस्थान स्वास्थ्य चौकीमा उपचार हुन नसकेपछि थप उपचारका लागि हाट स्वास्थ्य चौकी लगिएको स्वास्थ्यकर्मी राधा कुँवरले बताइन् ।

    उनले भनिन्, शनिवार कुखुरा खाएर बिरामी परेको खबर सुनेर आईतवार स्वास्थ्यकर्मी घरमै गएर उपचारका लागि बाहिर जान सुझाव दिएका थियौं । बोकेर लैजाने मान्छे नभएपछि ४ दिनपछि एकको मृत्यु भएको छ भने, ९ जनालाई बोकेर मंगलवार हाट स्वास्थ्यचौकी लगेका छन् ।

    शनिवार स्थानीय नरेन्द्र वमको घरमा मरेको कुखुरा ल्याएर खाएका सबै दलित समुदायका भएको स्वास्थ्यकर्मीले बताएका छन् । घटनापछि महादेवस्थानबाट हिँडेर हाट जाँदै गरेका दलित परिवारका ९ जना झाडापखाला र उल्टी गरिरहेको स्वास्थ्यकर्मीले जानकारी दिए ।

    प्रतिकृया दिनुहोस्