News Portal

  • आज मोहम्मद डे विभिन्न कार्यक्राम गरी मनाइँदै

    ५०१ पटक

    कपिलवस्तु । आज नेपालसहित विश्वभरका मुस्लिम धर्मावलम्वीले इस्लाम धर्मका प्रवर्तक हजरत मोहम्मद पैगम्बर सल्लाह अलैवसल्लामको १४४१ औँ जन्मजयन्ती मनाएका छन् ।

    उनको जन्म इस्लामी पात्रो हिजरी सम्वतको रब्बीअव्वल महिनामा साउदी अरबको मक्कामा बिबि आमिनाको कोखबाट भएको हो । उनको निधन ६३ वर्षको उम्मेरमा साउदीकै मदिनामा भएको थियो ।

    उनको जन्मदिनमा विभिन्न नाअत शरिफ वाचन गर्ने तथा उनका उपदेश र वाणीको स्मरण गर्ने गरिन्छ । मुस्लिमहरुले हजरत मोहम्मदको जन्म दिनको अवसरमा बृहत र्यालीको आयोजना गरेका छन् ।

    कपिलवस्तुको चन्द्रौटा, तौलिहवा, कृष्णनगर, महाराजगञ्ज, बहादुरगञ्जमा मुस्लिमहरुले र्याली निकालेर मोहम्मद डे धुमधामका साथ मानाउँदै गरेको मौलना रमजान मन्सुरीले जनकारी दिए ।

    र्यालीमा उपस्थित मुस्लिम अगुवाहरुले मोहृममद डेको अवसरमा सरकारले सर्वाजानिक बिदा दिनुपर्ने माग समेत गरे । मुस्लिम अगुवाहरुले मुस्लिम आयोग गठन गर्नुपर्ने, मोहम्मद जयन्तीमा सार्वजनिक बिदा दिनुपर्ने, हज कमिटीलाई व्यवस्थित बनाउनुपर्ने, मदरसा अन्य सरकारी विद्यालय सरह हुनुपर्ने लगायतका माग राखेका छन् ।

    सरकारले मोहम्मद जयन्तीमा सार्वजनिक बिदा दिने मुसलमान संयुक्त संघर्ष समितिसँग सम्झौता गरे पनि कार्यान्वयन नभएकामा उनीहरुले दुःख व्यक्त गरे ।

    प्रतिकृया दिनुहोस्