News Portal

  • मेरिलेबोन विरुद्धको खेलमा नेपालको लज्जास्पद हार

    २२७ पटक

    काठमाडौं । मेरिलेबोन क्रिकेट क्लब विरुद्धको ३ दिवसीय खेलमा नेपाल २ सय ८ रनको भारी अन्तरको हार ब्होरेको छ ।

    ३ सय ९३ रनको लक्ष्य पछ्याउने क्रममा नेपाली इनिंग्स ४१ ओभरमा मात्र १ सय ८४ रनमा समेटिएको हो । नेपालका लागि सोमपाल कामीले सर्वाधिक ५१ रनको योगदान दिए । करण केसी १८ रन बनाएर पेभेलियन फर्किए ।

    सोमपालले करण केसीसँग आठौं विकेटका लागि ४६ रनको साझेदारी गरे । नवौं विकेटका लागि सोमपालले सन्दीप लामिछानेसित अद्र्धशतकीय साझेदारी गरे । नेपालको दुबै पारीमा ओपनर र मध्यक्रमका कुनै पनि ब्याट्सम्यान चल्न सकेनन् । राजु रिजाल ५ चौकासहित ३१ रनको योगदान दिए ।

    यसअघि कीर्तिपुरमा टस हारेर पहिला ब्याटिङ गरेको एमसीसीले आफ्नो पहिलो पारीमा ३ सय ६४ रन बनाएको थियो । उसको लागि मायल्स हयामोन्डले ५२, विलियम भेन्डरस्पारले ५३, यासिर अराफातले सर्वाधिक ६५ रनको योगदान दिए । नेपालका लागि सोमपाल कामीले २, करण केसी ३, सन्दीप लामिछाने ३ तथा शरद भेषवाकरले २ विकेट लिए ।

    जवाबमा नेपाल मात्र १ सय ५३ रनमा खुम्चियो । ३३ रनका ५ विकेट गुमाएको नेपालका लागि विनोद भण्डारीले सोमपाल कामीसित छैठौं विकेटका लागि ७२ रनको साझेदारी गरेर इनिंग्स उकासीए । भण्डारी ३६ तथा कामी २६ रन बनाएर पेभेलियन फर्किए ।

    सन्दीप लामिछानेले उत्कृष्ट ३९ रन बनाएर नेपाललाई सहज योगफलसम्म पुयार्ए । पहिलो इनिंग्समा २११ रनको अग्रता लिएको एमसीसीले आफ्नो दोस्रो इनिंग्समा छ विकेटको क्षतिमा १८१ रन बनाएर नेपाल समक्ष ३९३ रनको लक्ष्य प्रस्तुत गरेको हो ।

    प्रतिकृया दिनुहोस्