News Portal

  • भियतनामी नागरिकको ३९ शव फेला

    २४१ पटक

    काठमाडौं । बेलायतको एसिक्समा लरीभित्र मृत फेला परेका ३९ शव भियतनामका नागरिक भएको प्रहरीले बताएको छ ।

    गत साता एसिक्समा चिसो तापक्रम हुने व्यवस्था गरिएको लरीभित्र ती शवहरू फेला परेपछि मृतकहरू चिनियाँ भएको बताइएको थियो ।

    एसिक्स प्रहरीले अहिले आफूहरू केही मृतकका भियतनाम र यूकेस्थित परिवारजन तथा भियतनाम सरकारसँग सोझो सम्पर्कमा रहेको बताएका छन् ।

    शव भेटिनुभन्दा केही समयअघि २६ वर्षिय एक महिलाले परिवारलाई सन्देश पठाउँदै आफ्नो विदेश यात्रा असफल भएको जनाएकी थिइन् । मृत्यु हुनेमा ३१ पुरुष र ८ महिला छन् । मृत्युको कारण पत्ता लगाउन शव परीक्षण भइरहेको छ ।

    प्रतिकृया दिनुहोस्