News Portal

  • महिलाबारे गरेको टिप्पणीप्रति दलाई लामाले माफी मागे

    डबली सम्वाददाता
    २८१ पटक

    काठमाण्डौ । तिब्बती धर्म गुरु दलाई लामाले महिलाका बारेमा गरेको टिप्पणीप्रति माफी मागेका छन् । धर्म गुरु लामाले महिला उत्तराधिकारीको सम्भावना सम्बन्धमा गरेको टिप्पणी विवादित बनेको थियो ।

    दलाई लामाले आफ्नो उत्तराधिकारी बन्नका लागि महिलामा हुनु पर्ने विशेषता ‘सुन्दरता’ रहेको बताउदै माफी मागेका हुन् । आकर्षक महिला मात्रै आफ्नो सम्भावित उत्तराधिकारी बन्न सक्ने उनले बताएका थिए । त्यसको सर्वत्र विरोध भएपछि धर्म गुरु लामाले माफी मागेका हुन् ।
    उनको कार्यालयबाट जारी गरिएको विज्ञप्तिमा धर्म गुरु दलाई लामाले आफूले प्रयोग गरेको शब्द प्रति माफी मागेको उल्लेख गरिएको छ । तर उक्त शब्दको प्रयोग हाँस्यका लागि मात्रै गरिएको पनि विज्ञप्तिमा उल्लेख छ ।

    विज्ञप्तिमा उल्लेख गरिएको छ, ‘आफूले प्रयोग गरेको शब्दबाट मानिसमा पर्न गएको असर प्रति उहाँ निकै दुःखी हुनुहुन्छ र माफी माग्नु चाहनु भएको छ ।’

    यो हप्ता ८४ वर्ष लागेका दलाई लामाले अमेरिकी राष्ट्रपति डोनाल्ड ट्रम्प, तिब्बत फर्किने आफ्नो सपना र शरणार्थीसहितका विषयमा बोलेका थिए । तर भावी दलाई लामा महिला हुन सक्ने सम्भावना सम्बन्धी कुरा गर्दा उनले भनेका थिए, ‘यदी कोही महिला दलाई लामा हुन्छन् भने उनी अति आकर्षक हुनु पर्छ ।’ उनी यति भनेर हाँसेका थिए ।

    प्रतिकृया दिनुहोस्