अनलाइन डबली
काठमाडौँ । सुदूरपश्चिम प्रदेशका नवनियुक्त मुख्यमन्त्री खगराज भट्टले जिम्मेवारी समालेका छन् । शुक्रबार मुख्यमन्त्रीको शपथ दिएसँगै भट्टले मुख्यमन्त्री तथा मन्त्रिपरिषद्को कार्यालयमा पदभार ग्रहण गरेका हुन्।
नेकपा एमालेको समर्थनमा भट्टले शुक्रबार बिहान प्रदेश प्रमुख नजिर मियाँसमक्ष नयाँ मुख्यमन्त्रीका लागि दाबी पेस गरेका थिए। दाबी पेस गरे लगत्तै प्रदेश प्रमुख मियाँले भट्टलाई मुख्यमन्त्री पदमा नियुक्त गरेका थिए।
मुख्यमन्त्री भट्टसँगै नेकपा एमालेबाट एक राज्यमन्त्रीसहित ४ मन्त्रीले शपथ लिएका छन् । शुक्रबार दिउँसो प्रदेश प्रमुख नजिर मियाँसमक्ष उनीहरूले शपथ लिएका हुन् ।
सन्तोश शर्मा थापा–सामाजिक विकास मन्त्री, चक्र बहादुर मल्ल– आर्थिक मामिला मन्त्री, दमन भण्डारी–भूमि व्यवस्था कृषि तथा सहकारी मन्त्री र जानकी ऐर बम आर्थिक मामिला राज्यमन्त्रीको शपथ लिएका हुन् ।
एमाले समर्थन फिर्ता लिएसँगै अल्पमतमा परेका नेपाली कांग्रेस संसदीय दलका नेता कमलबहादुर शाहले विहीबार मुख्यमन्त्री पदबाट राजीनामा दिएका थिए ।
