अनलाइन डबली
काठमाडौँ । ‘विचौलिया’ सँग नाम जोडिएपछि गृहमन्त्री सुधन गुरुङको पद धरापमा परेको छ । सम्पत्ति शुद्धिकरणको छानविनमा हिरासतमा रहेका दिपक भट्टसँग नाम जोडिएपछि गुरुङको चौतर्फी राजिनामा माग गरिएको छ ।
जेनजीकै विभिन्न समूहले गृहमन्त्री गुरुङको राजिनामा समेत मागेका छन् । त्यस्तै, नेपाली काँग्रेस, राप्रपालगायतका पार्टीहरुले पनि छानबिनमा गरेका छन् ।
विवादमा परेपछि मौन रहेका गृहमन्त्री गुरुङले अनुसन्धानमा पूर्ण सहयोग गर्ने र पार्टीले गर्ने हरेक निर्णयलाई शिरोधार्य गर्ने बताएका छन् । उनले आफूल २५ लाख रुपैयाँ बराबरको सेयर लुकाएको भन्ने चर्चाको खण्डन समेत गरेका छन् ।
पछिल्लो पटक विवादमा परेको स्टार माइक्रो इन्स्योरेन्स र लिबर्टी माइक्रोमा नाममा रहेको शेयर मन्त्री हुनुअघि नै खरिद गरिएको र उक्त लगानीको स्रोत २०८० भदौ २९ गते गरिएको ऋण (कर्जा) को तमसुक रहेको दाबी गरेका छन् ।
उनले सबै कारोबार बैंकिङ प्रणालीमार्फत नै भएकाले यसको प्रमाण सुरक्षित रहेको बताउँदै व्यापारिक लगानी गर्दा भविष्यमा आउन सक्ने सबै उतारचढाव वा अवस्था पहिल्यै अनुमान गर्न नसकिने बताए ।
जेनजी आन्दोलनसँग चर्चामा आएका गुरुङले त्यसैको बलमा विभिन्न कम्पनीसँग शेयर लिएको भन्दै छानबिन हुनुपर्ने जेनजी युवाहरुको माग गरेका छन् ।
