अनलाइन डबली
काठमाडौँ । आगामी फागुन २१ गते हुन गइरहेको प्रतिनिधिसभा निर्वाचनमा कराँतेका अन्तर्राष्ट्रिय पदक विजेता ऐटन कुमार मल्ल चुनावी मैदानमा उत्रिएका छन् । प्रगतिशील लोकतान्त्रिक पार्टीको तर्फबाट मल्ल चुनावी मैदानमा उत्रिएका हुन् ।
कराँतेका सिनियर खेलाडी तथा प्रशिक्षक समेत रहेका मल्ल उम्मेदवारी दर्तापछि घरदैलामा पुगिरहेका छन् । शाहसी, निडर, अनुशासित र इमान्दारको पहिचान बनाएका मल्ल चुनावी मैदानमा उत्रिएपछि खेलाडी र युवाहरु खुशी भएका छन् । उनिहरुले मल्लको उम्मेदवारीले खेलाडीहरुको सान बढाएको बताउँदै जिताउन लागिपर्ने बताएका छन् ।
‘अन्तर्राष्ट्रिस्तरमा समेत नेपालको पहिचान स्थापित गरिसक्नुभएका खेलाडी तथा प्रशिक्षक उम्मेदवार बनेपछि हामीलाई खुशी लागेको छ, उहाँको जितेपछि समग्र विकाससँगै खेल र खेलाडीको विकास तथा सान बढाउनुहुनेछ भन्ने हामीलाई विश्वास लागेको छ’ जिल्लाका एक युवाले भने ।
नेपाल सितोरियो कराते डो संघले मल्ललाई जितको शुभकामना दिएको छ । छायाँनाथरारा नगरपालिकाका स्थायीबासी मल्ल लामो समयदेखि खेलसँगै समाज सेवामा सक्रिय रहँदै आएका छन् ।
