काठमाडौं ।  औषधि व्यवसायीहरूले औषधि ऐन, २०३५ को दफा ११ मा राखिएको अव्यावहारिक प्रावधान खारेज गर्नुपर्नेमा माग राख्दै औषधि व्यवस्था विभागमा धर्ना दिएका छन् ।

आइतबार नेपाल औषधि व्यवसायी महासंघको अगुवाइमा व्यवसायीहरूले म्याद सकिनुअघि नवीकरण नगरे शतप्रतिशत जरिवाना लाग्ने र ३१ औँ दिनमा इजाजतपत्र, प्रमाणपत्र स्वतः रद्ध हुने जस्ता प्रावधानहरू खारेज गर्न माग गर्दै विभाग अगाडि धर्ना दिएका हुन् ।

धर्नामा नेपाल पशुपन्छि औषधि व्यवसायी संघ, नेपाल आयुर्वेदिक औषधि व्यवसायी महासंघ, नेपाल औषधि व्यवसायी संघ र नेपाल आपूर्ति आयातकर्ता संघहरु छन् । उनीहरुले ‘हाम्रो  जायज माग पुरा गर । औषधी ऐन २०३५ को  दफा ११ उपदफा ५ खारेज गर’ भन्ने प्लेकार्ड  बोकेर औषधि व्यवस्था विभाग अगाडि धर्ना दिएका हुन् ।