डा. निराकारमान श्रेष्ठको “सङ्घर्षदेखि सफलता” वरिष्ठ मनोचिकित्सक तथा नेपाल सरकारका पूर्व स्वास्थ्य सचिव डा. निराकारमान श्रेष्ठको पुस्तक सङ्घर्षबाट सफलता – जीवनका अनुभव र अनुभूतिहरु सार्वजनिक भएको छ । ४२ बर्ष मानसिक स्वास्थ्य क्षेत्रसहित ५२ बर्षदेखि चिकित्सा क्षेत्रमा सक्रिय डा. श्रेष्ठले आफ्नो बाल्यकालदेखि हालसम्मको जीवनका उतारचढाव समेटेर आफ्नो आत्मकथा पुस्तकमा उतार्नुभएको हो ।
पुस्तक लोकार्पण कार्यक्रमका प्रमुख अतिथि वरिष्ठ बालरोग तथा जनस्वास्थ्य विशेषज्ञ डा. बद्रीराज पाण्डेले प्रकाशित पुस्तकले नयाँ पुस्तालाई मार्गदर्शन गर्ने उल्लेख गर्नुभयो । पुस्तकको समालोचना गर्नुभएका संसद सचिवालयका पूर्व सह–सचिव तोयानाथ भट्टराईले आत्मकथा इमान्दारीताका साथ लेखिएकोमा प्रशंसा गर्नुहुँदै पुस्तक ब्यक्तिको भइकन पनि नेपालकै स्वास्थ्य क्षेत्रको विकासक्रमको प्रतिविम्व झल्किने उल्लेख गनुृभयो ।

कार्यक्रममा अतिथिहरु खाद्य प्रविधि विशेषज्ञ, पूर्वाञ्चल विश्वविद्यालयका पूर्व उपकूलपति प्रा. जगतबहादुर के.सी., नेपाल सरकारका पूर्व स्वास्थ्य सचिव रामचन्द्र मान सिँह, पुस्तकका सम्पादक लक्ष्मण अधिकारीले शुभकामना मन्तब्य राख्नुभएको हो । लेखक डा. श्रेष्ठका छोरा सन्तोषमान श्रेष्ठले स्वागत गर्नुभएको समारोहमा पुस्तक लोकर्पण प्रमुख अतिथि तथा अतिथिहरुले गर्नुभएको हो ।
कार्यक्रमको आयोजना एवं पुस्तकको प्रकाशन लेखक डा. श्रेष्ठकी श्रीमती शुक्रराज ट्रपिकल तथा सरुवा रोग अस्पतालका पूर्व निर्देशक डा. कोकिला श्रेष्ठले गर्नुभएको हो । भाषा शुद्धी रोहिणी प्रसाद घिमिरेले गर्नुभएको यो पुस्तकको लोकार्पण कार्यक्रम निर्माण तथा सञ्चालन संचारकर्मी सुरजवीर बज्राचार्यले गर्नुभएको हो ।
नेपाल सरकारको स्वास्थ्य सेवामा निरन्तर ३६ बर्ष सेवा गर्नु भएका डा. श्रेष्ठले “आफ्नो मूल थातथलो, बाल्यकाल, ऊ बेलाको समाज, कलेज जीवन, डाक्टर बन्न लखनऊतिर, सरकारी जागीर, धनकुटाको संस्मरण, दाङ अस्पताल, भक्तपुर गएपछि विद्रोह, नसोचेको कार्यालयमा दुई बर्ष, जोमसोम पुगेर टेकु, अचानक साइकियाट्रीतिर, मानसिक स्वास्थ्य सेवा, लण्डनमा थप अध्ययन, स्वास्थ्य मन्त्रालयको अनुभव, विदेश भ्रमणका स्मरणीय क्षम, केही महत्वपूर्ण अनुभव, उपचारमा विद्यमान समस्या, मानसिक स्वास्थ्य सेवा सुदृढ गर्ने उपाय, आफूले अनुभव गरेका केही स्वास्थ्य समस्या, जीवनका तीन खतरनाक दुर्घटना, नीजि तथा पारिवारिक सन्दर्भ, जनचेतनासम्बन्धी लेखहरु, साहित्यिक सिर्जना, मेरो वंशावली” शीर्षक तथा उपशीर्षकमा आफ्ना जीवनका भोगाईहरु लिपिवद्ध गर्नुभएको छ ।
४०० पृष्ठको यस पुस्तक लेखक डा. श्रेष्ठका यसअघि १० वटा मानसिक स्वास्थ्य सम्बन्धी पुस्तकहरु प्रकाशित भइसकेको छन् भने मानसिक स्वास्थ्य सम्बन्धी लेख रचनाहरु पनि विभिन्न पत्रपत्रिकाहरुमा नियमित प्रकाशन हुँदै आएका छन् । हाल आफ्नै नीजि क्लिनिकमार्फत स्वास्थ्य सेवा दिइरहनु भएका डा. श्रेष्ठ मानसिक स्वास्थ्य क्षेत्रमा आमूल परिवर्तन ल्याउने ब्यक्तिका रुपमा चिनिनु हुन्छ ।

Enter

You sent

Palakha

Enter

Suraj

ok

Enter

10:10 PM
You sent

Sent 1m ago
Enter