अनलाइन डबली
काठमाडौँ । चीन र भारत एकआपसमा नजिक हुँदै गएका छन् । अमेरिकाले भारतलाई भारी मात्रामा कर थोपारेपछि चिनियाँ राष्ट्रपति र भारतीय प्रधानमन्त्रीबीच पहिलोपटक भेटवार्ता भएको छ ।
आइतबार र सोमबार हुने सांघाई सहयोग संगठनको शिखर सम्मेलन २०२५ अघि दुई नेताहरू उत्तरी चिनियाँ बन्दरगाह शहर तियानजिनमा भेटे वार्ता भएको छ ।
समाचार एजेन्सीका अनुसार चिनियाँ राष्ट्रपति सी जिनपिङले भारतीय प्रधानमन्त्री नरेन्द्र मोदीले चीन र भारत प्रतिद्वन्द्वी नभई सहयोगी साझेदार देश भएको बताएका छन् । दुबै नेताले दुई देश एकअर्काको लागि खतरा नभई विकासका अवसर भएको बताए ।
सीले गत वर्ष मोदीसँग भएको सफल भेटघाटको स्मरण गरे । उक्त भेटले चीन–भारत सम्बन्धलाई पुनस्र्थापित गर्न र नयाँ सुरुवात गर्न सक्षम बनाएको साथै दुई देशहरू बीचको आदानप्रदान र सहयोगले नयाँ प्रगति गरेको स्मरण गरे ।
चीन र भारत प्राचीन सभ्यताहरू, विश्वका दुई सबैभन्दा बढी जनसंख्या भएका देशहरू र ग्लोबल साउथका महत्त्वपूर्ण सदस्यहरू हुन् भन्ने कुरा उल्लेख गरे । सीले दुई देशले दुई जनताको कल्याणमा सुधार गर्ने, विकासशील देशहरूको एकता र पुनरुत्थानलाई प्रवद्र्धन गर्ने र मानव समाजको प्रगतिलाई अगाडि बढाउने महत्वपूर्ण जिम्मेवारी वहन गर्ने बताए ।
चीन र भारतले राम्रो सम्बन्धमा छिमेकी बन्नुपर्छ र एकअर्कालाई सफल हुन मद्दत गर्ने साझेदार बन्नुपर्छ भन्ने सीको धारणा थियो ।
यस वर्ष चीन–भारत कूटनीतिक सम्बन्ध स्थापनाको ७५ औं वार्षिकोत्सव भएको कुरा उल्लेख गर्दै सीले दुई देशले द्विपक्षीय सम्बन्धलाई रणनीतिक र दीर्घकालीन दृष्टिकोणबाट हेर्न र सम्हाल्न आवश्यक रहेको बताए ।
यता, मोदीले भारत र चीन प्रतिद्वन्द्वी नभइ साझेदार रहेको र सहमति असहमतिभन्दा धेरै माथि रहेको उल्लेख गरे । उनले भारत द्विपक्षीय सम्बन्धलाई दीर्घकालीन दृष्टिकोणबाट हेर्न र विकास गर्न तयार रहेको उल्लेख गरे ।
मोदीले पारस्परिक विश्वास, सम्मान र संवेदनशीलताको सिद्धान्तमा चीनसँगको सम्बन्धलाई अगाडि बढाउने भारतको प्रतिबद्धता रहेको उल्लेख गरे ।
उनले गत वर्षको कजान वार्तापछि भएको प्रगतिको उल्लेख गर्दै जसमा सीमा विच्छेदन, कैलाश मानसरोवर तीर्थयात्रा मार्ग पुनः खोल्ने र प्रत्यक्ष उडानहरू पुनः सुरु गर्ने विषय उठाएका थिए ।
योसँगै अमेरिका भारतसँग थप चिढिने विश्लेषण हुन थालेको छ ।
