अनलाइन डबली
काठमाडौं । पाकिस्तानका संचारमन्त्रीले भारतले कश्मीरमा सेतो झण्डा फहराएर हार स्वीकार गरेको बताएका छन् ।
बुधबार बिहान ७ बजेतिर सूचना मन्त्रालयमा सञ्चारकर्मीसँग कुरा गर्दै तरारले भने, ‘भारतले नियन्त्रण रेखामा सेतो झण्डा फहराएको र हार स्वीकार गरेको हो ।’ पृष्ठभूमिमा बजाइएको सेतो झण्डाको फुटेजको अगाडि बसेर मन्त्री तरारले सो दाबी गरेका हुन् ।
‘उनीहरूलाई सेतो झण्डा फहराउन बाध्य पारिएको छ’ तरारले भने । पीटीभी न्यूजले सैन्य संरचनाको माथि फहराइएको सेतो झण्डाको फुटेज पनि साझा गरेको छ ।
तरारले सीमापारि भारतीय सेनाका धेरै चौकीहरू पाकिस्तानी सशस्त्र बलले ध्वस्त पारेको दाबी समेत गरे ।
पाकिस्तानले पहलगाम आक्रमणको छानबिनको लागि आह्वान गरेको तर भारतले आक्रमण गरेको र अहिले त्यहाँबाट भागेको तारारले दाबी गरेका छन् । उनले आफ्नो सेनाले भारतका कुनै पनि नागरिकलाई निशाना नबनाएको बताएका छन् ।
