काठमाडौं  । राष्ट्रिय स्वतन्त्र पार्टीका सांसद शिशिर खनालले भारतको ओडिसा राज्यको भुवनेश्वरस्थित कलिङ्गा इन्स्टिच्युट अफ इन्डस्ट्रियल टेक्नोलोजी (केआईआईटी) घटनाले आफ्नै देशका बिश्वबिधालय बलिया बनाउनु पर्छ भन्ने सन्देश दिएको बताएका छन् ।

केआईआईटी विश्वबिधालयमा नेपाली बिधार्थी प्रकृति लम्सालको मृत्यु प्रकरण तथा त्यसपछि उत्पन्न बिषम परिस्थितिको घटनावाट पाठ सिक्नु पर्ने जनाएका हुन् ।

‘भारतको ओडिसामा ज्यान गुमाएकी नेपाली बिधार्थी प्रकृति लम्साल र नेपाली बिधार्थीहरू माथी भएको दुर्ब्यबाहारको न्याय नपाएसम्म सरकारले कुटनीतिक पहल गरेर न्याय दिलाओंस् र नेपाली बिधार्थीहरूको सुरक्षा गरियोस्,’ खनालले भने, ‘उडिसा घटनावाट पाठ सिक्दै राजनीतक र दलीय भागबन्डा गर्न छाडेर हाम्रो विश्वबिधालय बलियो बनाउनु पर्दो रहेछ भन्ने सद्बुद्दी मिलोस भन्न चाहान्छु ।’