अनलाइन डबली
काठमाडौँ । अमेरिकी राष्ट्रपति डोनाल्ड ट्रम्पले प्यालेस्टिानी भूमी गाजा पट्टीलाई अमेरिकी नियन्त्रणमा लिने बताएपछि मुस्लिम देशहरुले एक स्वरमा विरोधमा उत्रिएका छन् ।
ट्रम्पले इजरायली प्रधानमन्त्री बेन्जामिन नेतान्याहूसँगै पत्रकार सम्मेलनमा बोल्दै अमेरिकाले गाजा पट्टी कब्जा गरेर सोर्ट सिटी निर्माण गर्ने बताएका थिए । उनले गाजा पश्चिम एसियाको रोजगारी र पर्यटनको केन्द्र बन्ने दाबी गरेका थिए ।
ट्रम्पले गाजामा रहेका २३ लाख मानिसलाई इजिप्ट र जोर्डनजस्ता देशमा पुनर्वास गर्ने अमेरिकाले अहिले पश्चिम एसियाका समस्या समाधानका लागि लामो समयको योजनामा काम गर्न थालेकोसमेत जनाए । ट्रम्पले यो योजना सारा विश्वका लागि फाइदाजनक साबित हुने बताउँदै यसको नतिजा छिट्टै आउनेछ ।
ट्रम्पले गाजा बारुदी सुरंग र आतंकवादी गुफाहरूले भरिएको बताउँदै पूरै गाजालाई समतल बनाइनेछ र त्यहाँ पूर्वाधारको विकास गरिने बताए ।
ट्रम्पको भनाईको मध्यपूर्वका देशहरूले विरोध जनाएका छन् । साउदी अरेबियाले आफू प्यालेस्टाइनी जनताको साथमा रहेको बताउँदै साम्राज्यवादी उद्देश्यका साथ गाजामा हुन घुसपैठको विरोध गर्ने बताएको छ ।
‘हामी प्यालेस्टाइनका जनताको साथमा छौँ। हामी साम्राज्यवादी उद्देश्यका साथ गाजामा कुनै पनि प्रकारको घुसपैठको विरोध गर्दछौं। इजरायलसँगको सम्बन्ध प्यालेस्टाइनसँग मात्र सम्भव छ। गाजाका जनताको निष्कासन सहने छै’ साउदीले भनेको छ । त्यस्तै, जोर्डन र इजिप्टले पनि ट्रम्पको भनाईको विरोध जनाएका छन् ।
उता युक्त राष्ट्रसंघले गाजालाई कुनै पनि हिसाबले कब्जा गर्नु र त्यहाँका जनतालाई विस्थापित गर्नु अन्तर्राष्ट्रिय नियमविपरीत भएको बताएको छ । गाजामा मानवअधिकार उल्लङ्घन गर्नु गलत हो।
