अनलाइन डबली
सिमकाेट । कर्नाली करिडोरको महत्वपूर्ण खण्ड सिमकोट हेक्पाखोला सडकका लागि ३१ करोड बजेट माग गरिए पनि ३० करोड बजेट स्वीकृत भएर आएको छ । अब यो सडक ट्याकखोल्दाको अवस्थाबाट बिस्तार भएर चौडा बन्ने छ ।
सिमकोट हेक्पाखोलासम्म सडक विस्तारका लागि पटक पटक हिल्छा सिमकोट सडक आयोजनाले बजेट माग गर्दै आएको थियो तर पछिल्लो पटक भन्ने स्वीकृत भएर बजेट सुनिश्चित भएको जानकारी हिल्छा सिमकोट सडक आयोजनाका प्रमुख बेलबहादुर नेपालीले दिएका छन् ।
अब यो सडक खण्डका लागि नक्सांकन भएर बहुवर्षीय योजनाको रुपमा इस्टिमेट तयार भएर टेण्डर आह्वान गर्ने तयारी अवस्था रहेको छ । यो सडक खण्डको लम्बाई ९.६६० किमि रहेको छ ।
यो खण्डको स्तरोन्नती भएपछि सिमकोट हिल्छा र लिमी लाप्चा आवतजावतका लागि सहज हुने भएको छ । सिमकोटबाट हिल्छासम्म ९५ किमि र सिमकोटबाट लिमी लाप्चा पनि त्यतिनै किमि लम्बाई रहेको छ ।
