अनलाइन डबली
काठमाडौँ । नेकपा एमालेका केन्द्रीय सदस्य किशोरविक्रम मल्ल पक्राउ परेका छन् । प्रहरीले मल्ललाई बैंकिङ्ग कसुरको आरोपमा पक्राउ गरेको हो । अहिले मल्ललाई प्रहरी वृत्त महाराजगञ्जमा राखिएको बताइएको छ ।
मल्लले एकजनाबाट २० लाख ५० हजार पैसा लिएको र सो रकम बराबर मल्लले चेक दिएका थिए । तर, पटकपटक उक्त चेक नसाटिए पीडितले बाउन्स गरेको बताइएको छ ।
मेडिकल काउन्सिलको सदस्य भएको बेला उक्त रकम घुसबापत लिएको अनुसन्धान अधिकारीहरुले गरेका छन् । मल्लले आफूले उक्त रकम फिर्ता गरिसकेको दाबी गरेपनि त्यसको प्रमाण देखाउन सकेका छैनन् ।
रकम फिर्ता गरेको प्रमाण देखाएपछि मिलापत्र गराउने वा मुद्दा अगाडि बढाउने भन्नेमा टुंगोमा पुग्ने प्रहरीले बताएको छ ।
मल्ला एमालेको विद्यार्थी संगठन अनेरास्ववियुका इन्चार्ज समेत हुन् ।
