अनलाइन डबली
काठमाडौं । आर्थिक अनियमिततामा मुछिएका स्वकिय सचिवलाइ लेखा समितिका सभापति ऋषिकेश पाेखरेलले निष्काषन गरेका छन ।
मेडिकल अध्ययनकाे लागि नाम निकालिदिन्छु भन्दै एउटै व्यक्तिसँग ३८ लाख असुल गरेका थिए । उक्त विवादमा छानविन गर्न उच्च अदालत विराटनगरले परमादेश जारी गरेपछि पाेखरेलले स्वकीय सचिव अनिलकुमार पोखरेललाई जिम्मेवारीबाट निष्काषन गर्न बाध्य भएका छन् ।
एमबीबीएस परीक्षामा नाम निकालिदिने भन्दै स्वकिय सचिव अनिलले रकम लिएको विषयमा उजुरी दिँदा समेत प्रहरीले नलिएपछि पीडित अदालत पुगेका थिए ।
उच्च अदालत विराटनगरले सभापति पोखरेलका स्वकीय सचिव अनिलकुमारलाई ठगीमा अनुसन्धान गर्न जिल्ला प्रहरी कार्यालय मोरङलाई गत भदौमा परमादेश दिएको थियो । उक्त परमादेश पुस ११ मा प्रमाणीकरण भइसकेको छ ।
पाेखरेल निकट स्राेतका अनुसार अदालतकाे परमादेश पहिलै ठगिमा मुछिएकाे थाहा थियाे तर कारवाही गरेनन् । अदालतकाे परमादेशपछि चाैतर्फी विराेध हुन थालेपछि पाेखरेल कारवाही गर्न बाध्य भएका छन् ।
सुशासनलाई कायम गर्ने जिम्मेवारी बोकेको सार्वजनिक लेखा समितिलाई पोखरेल काण्डले बदनाम समेत भएको छ । कहिलै सभापति सहकारी काण्डमा मुछिने र कहिलै स्वकीय सचिव ठगि काण्डमा मुछिन थालेपछि समितिकै बदनाम भएको सरोकारवालाहरुले बताउन थालेका छन् ।
