अनलाइन डबली
काठमाडौं । नेकपा एमालेबाट निस्कासनमा परेका नेता डा. भीम रावलले नयाँ पार्टी खोल्ने तयारीमा जुटेका छन् ।
एमालेभित्र असुन्तुष्ट रहेका नेता कार्यकर्ताहरुलाई समेटेर रावलले नयाँ पार्टी खोल्न लागेका हुन् । त्यसअघि पूर्वीदेखि पश्चिमसम्मका कार्यकर्तालाई भेट्ने भएका छन् । सातै प्रदेशमा कार्यक्रम गर्ने कार्यतालिका रहेको छ ।
रावलले आज दिउँसो एक बजे काठमाडौंमा पत्रकार गर्न लागेका हुन् । पत्रकार सम्मेलनमा आफ्नो भावी योजनाबारे जानकारी गराउने बताइएको छ ।
गत सोमबार बिहान मात्रै उनले नेपाली कांग्रेस (बीपी)का उपसभापति कर्ण मल्ल र सुदूरपश्चिम प्रदेश सभाका स्वतन्त्र सांसद डा. तारा जोशीसँग भेटवार्ता गरेका थिए । भेटवार्तामा रावलले विभिन्न पार्टीबाट अन्यायमा परेकाहरू एकठाउँमा आएर देशभक्त समाजवादी पार्टी बनाउने प्रस्ताव राखेको स्रोतले जनाएको छ ।
रावललाई गत १० पुसमा एमालेले पार्टीको संगठित सदस्यबाट हटाउने निर्णय गरेको थियो । त्यसपछि नेता रावल नयाँ पार्टी गठनको तयारीमा जुटेका छन् ।
