अनलाइन डबली
काठमाडौं । अमेरिकाको नयाँ राष्ट्रपतिको लागि भएको चुनावको मतगणना जारी रहेको छ । पछिल्लो मत परिणामअनुसार रिपब्लिकन पार्टीका उम्मेदवार डोनाल्ड ट्रम्प भारी मतका साथ अग्रता कायमै राखेका छन् ।
ट्रम्पले इलेक्टोरल मतसँग पपुलर मतमा पनि अगाडि नै छन् । बीबीसीका अनुसार ट्रम्पले २०७ इलेक्टोरल मत पाएका छन् भने पपुलर मत करिब ४५ मत ल्याएका छन् । ट्रम्पलाई जितको लागि अब ६३ मत पाए पुग्छ ।
त्यसैगरी डेमोक्रेटिक पार्टीकी कमला ह्यारिसले ९१ इलेक्टोरल मत पाएकी छन् भने ३९ प्रतिशत पपुलर मत पाएकी छन् ।
भारतीय संचारमाध्यमहरुले ट्रम्पले २११ इलेक्टोरल मत पाएको जनाएका छन् ।
कुल ५३८ इलेक्टोरल मतमा जितको लागि २७० मत आवश्यक हुन्छ ।
