अनलाइन डबली
काठमाडौं । एयर इण्डियाको जहाजमा बम राखेको सूचना आएको छ । काठमाडौंबाट दिल्लीका लागि उड्ने तयारीमा रहेको जहाजमा बम रहेको सूचना प्राप्त भएपछि सुरक्षाकर्मीले चेकजाँच सुरु गरेका छन् ।
सोमबार अपराह्न २ः४१ बजे अवतरण गरेको फिर्ता हुने तयारीमा रहेको बेला जहाजभित्र बम रहेको भारतबाट सूचना आएको थियो । प्रहरीका अनुसार ३ः१५ बजे जहाजभित्र बम रहेको सूचना प्राप्त भएको थियो ।
६ दिनअघि पनि दिल्लीबाट काठमाडौं आएको भारतीय वायुसेवा कम्पनी भिस्तारा एयरवेजको जहाजमा बम राखिएको भन्दै हल्ला फैलिएपनि चेकजाँच गर्दा कुनै शंकास्पद वस्तु भेटिएको थिएन ।
