काठमाडौं। रवि लामिछानेलाई सरकारले पक्राउ गरेसँगै जनमत पार्टीका अध्यक्ष सीके राउत पनि सशंकित भएका छन् । आइतबार बैठक बोलाएर आन्दोलनका लागि तयार रहन पार्टी संरचनालाई निर्देशन दिएका छन् ।

पार्टी कार्यालय मध्यवानेश्वरमा बसेको बैठकमा देशको विषम राजनितिक परिस्थि रहेको जनाउँदै पार्टीको सबै तहका संगठनलाई आन्दोलनको लागि तयार रहन निर्देशन दिएका हुन् ।

पार्टी प्रवक्ता शरदसिंह यादवका अनुसार बैठकले मंसिरमा हुने स्थानीय तहको उपनिर्वाचनका लागि १४ कात्तिकसम्म उम्मेदवारको नाम केन्द्रीय सचिवालयमा पठाउन निर्वाचन परिचालन समितिलाई निर्देशन दिएको छ ।

त्यस्तै, बैठकले स्थानीय उपनिर्वाचनको लागि जिल्ला इन्चार्जको संयोजकत्वमा निर्वाचन परिचालन समिति गठन गर्ने निर्णय समेत गरेको छ ।