अनलाइन डबली
चितवन । अखिल नेपाल जनसांस्कृतिक महासंघ र सामना परिवारको ‘बृहत जनसांस्कृतिक कार्यक्रम’ कार्यक्रम भएको छ । बेपत्ता योद्धा दण्डपाणी न्यौपाने सम्झनामा आयोजना गरिएको कार्यक्रममा जनयुद्ध लडेका माओवादी नेताहरु सहभागी भएका छन् ।
कार्यक्रममा नेकपा (माओवादी केन्द्र) का अध्यक्ष तथा पूर्वप्रधानमन्त्री प्रचण्ड, उपमहासचिव तथा पूर्व अर्थमन्त्री जनार्दन शर्मा, उपाध्यक्ष पम्फा भुसाललागयतका नेताहरु सहभागी छन् ।
न्यौपाने र अन्य शहीदहरुको सम्मानका लागि नेकपा माओवादी केन्द्र वडा नं १३ भरतपुरले आयोजना गरेको कार्यक्रममा क्रान्तिकारी कम्युनिष्ट पार्टीका संयोजक मोहन वैद्य (करण), नेपाल कम्युनिष्ट पार्टीका महासचिव विप्लव लाई निम्ता गरिएको छ । विप्लव कार्यक्रममा सहभागी भइसकेका छन् ।
त्यसैगरी आयोजकले डा.बाबुराम भट्टराई पनि निम्ता गरिएका छन् ।
जनयुद्धको समयमा एकताबद्ध भएर लडेका नेताहरु बिभिन्न समयमा पार्टी बिभाजन भई अलग अलग समूहको नेतृत्व गरिरहेको भएपनि आगामी दिनमा एउटै छातामुनी ल्याउनेप्रयास आयोजकले गरेको स्थानीयको बुझाइ छ ।
