काठमाडौँ । सरकार बाढी पीडितकाे उद्दार- राहतमा सरकार उदासिन देखिएपछि प्रमुख प्रतिपक्ष दलका नेता तथा नेकपा (माओवादी केन्द्र) का अध्यक्ष प्रचण्डले सर्वदलीय बैठक बोलाएका थिए । प्रचण्डले सर्वदलीय बैठक बाेलाएपछि सरकारले हतारमा आज दिउँसाे १ बजे सर्वदलीय बैठक बाेलाएकाे छ ।

कार्यवाहक प्रधानमन्त्री प्रकाशमान सिंहले अविरल वर्षापछि आएको बाढी पहिरो विपत पछिको राहत, उद्दार र धनजनको क्षतिका बारेमा छलफल गर्न बाेलाएका हुन् ।

गृहमन्त्री रमेश लेखकले काठमाडाैँमा उद्दारबारे गैरजिम्मेवार अभिव्यक्ति दिएका थिए । सरकारले उद्दारमा सरकारी संयन्त्रकाे सही ढंगबाट परिचालन गर्न नसकेका कारण ठूलाे जनधनकाे क्षति हुन पुगेकाे छ ।

सरकार गैरजिम्मेवार बनेपछि शनिबार राति नै प्रचण्डले सर्वदलीय बैठक आह्वान गरेका थिए । त्यसपछि सरकारले हतारहतारमा १ बजे बैठक बाेलायाे ।

अहिलेसम्म १ सयभन्दा बढीकाे मृत्यु भइसकेकाे पुष्टि भएकाे छ भने ६७ जना बेपत्ता भएकाे बताइएकाे छ ।