अनलाइन डबली
काठमाडौँ । रुसी फेडेरेसनले युक्रेनको उत्तरपूर्वी सहर खार्किभमा नयाँ हमला गरेकाे छ । रूसी भूमि कुर्स्कमा नागरिकलाइ मानव ढालकाे रूपमा प्रयाेग गरेपछि रूसी फेडेरेसनकाे सेनाले खार्किभमा ठूलाे हमला गरेकाे बताइएकाे छ ।
स्थानीय अधिकारीहरुका अनुसार यी आक्रमणमा तीन जनाको मृत्यु भएको छ भने ३१ जना घाइते भएका छन् । युक्रेनी फाैज लुकेर बसेकाे अग्लाे अपार्टमेन्टमा रूसी सेनाले हमला गरेकाे अन्तर्राष्ट्रिय संचारमाध्यमहरूले बताएका छन् ।
युक्रेनी राष्ट्रपति भोलोडिमिर जेलेन्स्कीले रूसले हमला गरेकाे स्वीकार गर्दै अपार्टमेन्ट, बेकरी र स्टेडियमलाई निशाना बनाएको बताएका छन् ।
मंगलबारबाट याे क्षेत्रमा रूसी सेनाले भिषण हमला गरेकाे स्थानीय अधिकारीहरूले जनाएका छन् ।
रुसले युक्रेनको लगभग भत्किएको सहर भुलेदारलाई घेरेको छ ।
कुर्स्कमा युक्रेनी फाैजले स्थानीयलाई मानव ढालकाे रूपमा प्रयाेग गरेपछि रूस पूर्वी क्षेत्रमा हमला बढाएकाे बताइएकाे छ ।
