अनलाइन डबली
काठमाडौँ । सरकारमा सहभागिता हुनेबारे निर्णय गर्न नेकपा (एकीकृत समाजवादी)को सचिवालय बैठक आज बस्दै छ । महासचिव घनश्याम भुसालका अनुसार केन्द्रीय कार्यालय आलोकनगरमा विहान ११ बजे बैठक बस्न लागेको छ ।
मंगलबार प्रधानमन्त्री प्रचण्’, नेकपा एमाले अध्यक्ष केपी ओलीलगायतका नेताले अध्यक्ष माधव नेपाललाई सरकारमा सहभागी हुन प्रस्ताव गरेका थिए । आज बैठक बसेर सरकारमा सहभागि हुनेबारे निर्णय गर्ने बताइएको छ ।
सम्मानित नेता झलनाथ खनालले औपचारिक प्रस्ताव आए सरकारमा सहभागी हुने यसअघि बताइसकेका थिए ।
अध्यक्ष नेपालले आफूलाई कुनै जानकारी नदिएर नयाँ गठबन्धन गरिएको भन्दै असन्तुष्टी पोख्दै आएका थिए । मंगलबार प्रचण्ड र ओलीले नयाँ गठबन्धनको आवश्यकता र औचित्यबारे जानकारी गराएका थिए ।
महासचिव भुसालले प्रचण्डको प्रस्तावलाई आफूहरुले सकारात्मक रूपमा लिएको बताएका छन् ।
