अनलाइन डबली
काठमाडौँ । नर्भिक इन्टरनेशनल हस्पिटल एण्ड मेडिकल कलेज लिमिटेडले गत आर्थिक बर्ष २०७९।८० को मुनाफाबाट आफ्ना सेयरधनीलाई बोनस शेयर र नगद लाभासं गरि ४२ प्रतिशत बितरण गर्ने भएको छ ।
नर्भिक इन्टरनेशनल हस्पिटल एण्ड मेडिकल कलेज लिमिटेडको यही शुक्रबार काठमाण्डौंमा सम्पन्न साधरणसभाले आर्थिक बर्ष २०७९।८० को मुनाफाबाट २० प्रतिशत बोनस शेयर तथा २२ दशमलव १ प्रतिशत नगद लाभासं ९कर सहित० बितरण गर्ने प्रस्ताव पारीत गरेको हो ।
संस्थाका संस्थापक तथा रणनितिक सल्लाहकार बसन्त कुमार चौधरी र अध्यक्ष राजेन्द्र बहादुर सिहंद्वारा संयुक्त रुपमा उदघाट्न गरिएको उक्त समारोहमा नर्भिक हस्पिटलले गत आर्थिक बर्षमा गरेको आय र व्यायको विवरण समेत सार्वजनिक गरिएको थियो ।
नर्भिक हस्पितालले गत एक बर्षको अवधिमा एक सय ९० करोड रुपैया आम्दानी गरेको छ भने खुद् मुनाफा १२ करोड ५४ लाख रुपैया आर्जन गरेको प्रमुख कार्यकारी अधिकृत सिइओ अजय कुमार मिश्रले जानकारी दिनुभयो ।
नर्भिकले पछिल्लो एक बर्षमा एक लाख ५८ हजार बिरामीलाई स्वास्थ्य सेवा प्रदान गर्न सफल भएको छ ।
नर्भिक हस्पिटलले गत आर्थिक बर्ष २०७९।८० को अवधिमा बहिरङ्ग (ओपडी) सेवा तफ १ लाख ४२ हजार, अन्तरङ्ग सेवा (आईपीडी) तर्फ ८ हजार ५ सय, र इमरजेन्सीतर्फ ७ हजार ५ सय बिरामीलाई सेवा प्रदान गरेको हो ।
नर्भिक हस्पिटलले सामाजिक उत्तरदायित्वअन्तर्गत हरेक शनिबार निःशुल्क क्लिनिक, उद्धार तथा उपचारका विविध गतिविधिहरू पनि संचालन गर्दै आएको छ ।
नर्भिकले अष्ट्रेलिया जानेहरुका लागि स्वास्थ्य परीक्षणका साथै युके भिजाका लागि समेत आवश्यक स्वास्थ्य परीक्षण गर्न थालेको छ ।
