अनलाइन डबली
बर्दिया । बर्दियाको गुलरियामा आगलागी हुँदा चार जनाको मृत्यु भएको छ ।
शुक्रबार राती गुलरिया नगरपालिका वडा नं ४ तुलापुरस्थित करिस्मा चन्दको घरमा आगलागी भएको हो । सो घटनामा परी चार जनाको मृत्यु भएको जिल्ला प्रहरी कार्यालय बर्दियाले जनाएको छ ।
सुतिरहेको समयमा आगलागी हुँदा तीन जना बालबालिका सहित चारको मृत्यु भएको हो ।
मृत्यु हुनेमा १८ महिनाका कार्तिक चन्द, ७ वर्षका कृष चन्द, १० वर्षका मानसिं बुढा र ३२ वर्षकी राधा बुढा छन् । २८ वर्षकी करिष्मा चन्दलाई भने उपचारका लागि अस्पताल लगिएको छ ।
राति करिव १० बजे आगलागी भएको र आगलागीको कारणबारे अनुसन्धान भईरहेको जिल्ला प्रहरी कार्यालयका डिएसपी तुल्सिराम अर्यालले जानकारी दिए।
साँझ खाना खाईसकेपछि आगो तापेर सुतेको र त्यसैबाट आगलागी भएको हुनसक्ने प्रारम्भिक अनुमान प्रहरीको छ ।
