अनलाइन डबली
काठमाडौं । नेकपा माओवादी केन्द्रका सांसद माधव सापकोटाले बैकल्पिक उर्जाको क्षेत्रमा सरकारको ध्यान प्राथमिकतामा नपरेको गुनासो गरेका छन् ।
शुक्रबार काठमाडौैंमा आयोजित स्वतन्त्र उर्जा उत्पादकहरुको संस्थाले,आयोजना गरेको कार्यक्रमलाई सम्बोधन गर्दै सांसद सापकोटाले सरकारले बैकल्पिक उर्जाको क्षेत्रलाई प्राथमिकतासाथ ध्यान नदिएको गुनासो गरे । उनले यस विषयमा संसदमा समेत सक्रियतापूर्वक ध्यानाकर्षण गराउँने प्रतिवद्धता जनाए् ।
उनले भने,‘बैकल्पिक उर्जाको क्षेत्रलाई सरकारले जति प्राथमिकतासाथ ध्यान दिनुपर्ने,यसलाई त्यहि अनुसार मनोबल प्रदान गर्नुपर्ने त्यो कुराहरु पुगेको छैन् भन्ने कुरामा म आफै पनि गम्भीर छु । त्यसैले तपाईहरुले राख्नुभएको कुरा सरकार सामु र संसदमा समेत सक्रियता पूर्वक ध्यानाकर्षण गराउँने प्रतिवद्धता गर्न चाहन्छु ।’
सांसद सापकोटाले संस्थासँग सम्बन्धित विषयहरु लिखित रुपमा उपलब्ध गराउन आग्रह गर्दै नपुगेका कुराहरुमा छलफल गर्ने र प्राथमिकतासाथ कुरा उठाउने बताए ।
