काठमाडौं । आज समाजवादी मोर्चाले बुटवलमा सन्देश सभा गर्दैछ । मोर्चाले पूर्वनिर्धारित कार्यक्रम अनुसार सभा हुन गालेको हो ।
सभामा भाग लिन प्रधानमन्त्री प्रचण्डसहित समाजवादी मोर्चाका शिर्ष नेताहरु बुटवल जाने तयारीमा छन् ।

दिउँसो १ बजे बुटवलस्थित अन्तर्राष्ट्रिय सम्मेलन केन्द्रमा हुने सभालाई प्रधानमन्त्री तथा नेकपा माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष तथा पूर्वप्रधानमन्त्री माधवकुमार नेपाल, नेपाल कम्युनिष्ट पार्टीका महासचिव नेत्रविक्रम चन्द र जनता समाजवादी पार्टीका केन्द्रीय परिषद् सदस्य तथा प्रदेश इन्चार्ज राज किशोर यादवलगायतका नेताले सभालाई सम्बोधन गर्ने छन् ।

सबै प्रदेशमा सभा गर्ने निर्णय अनुसार भदौ ८ गते वीरगन्जबाट सभा सुरु गरेको मोर्चाले १३ गते सुदूरपश्चिमको धनगढी, १४ गते कर्णालीको सुर्खेत, १५ गते गण्डकीको पोखरा, २३ गते बागमतीको हेटौँडा, २५ गते कोशीको विराटनगरमा सभा गर्ने छन् ।