साउन २८, काठमाडौँ ।  नेपाल ट्रायथलन संघका अध्यक्ष निलेन्द्रराज श्रेष्ठ आइतबार एसिया ट्रायथलन एसोसियसन (एएसटी) को वरिष्ठ सल्लाहकारमा नियुक्त हुनुभएको छ । साउदी अरबको रियादमा बसेको निर्वाचित प्रतिनिधिको पहिलो बैठकले श्रेष्ठलाई सो सम्मान दिएको हो । श्रेष्ठले अब एसिया ट्रायथलनको केन्द्रिय कमिटीको बैठकमा सहभागिता जनाउनुहुनेछ । एएसटीको जापानमा जुन २३ मा भएको साधारण सभाले साउदी राजकुमार फाहद बिन जलावी बिन अब्दुल्ल अजिजलाई अध्यक्षमा चयन गरेको थियो । श्रेष्ठ अन्तर्राष्ट्रिय ट्रायथलन संघको एनओसी रिलेसन कमिसनका सदस्य पनि हुनुहुन्छ । एसिया ट्रायथलनको महत्त्वपूर्ण पदमा नियुक्त भएयता प्रतिक्रिया दिंदै श्रेष्ठले नेपालमा ट्रायथलनको विकासमा अझ बढी सक्रिय भूमिका निर्वाह गर्न सकिने बताउनुभएको छ । श्रेष्ठ नेपाल ओलम्पिक कमिटीको महासचिव पनि हुनुहुन्छ ।