अनलाइन डबली
काठमाडौं । इङ्लिस प्रिमियर लिग फुटबलमा टोटेनह्यामसँग म्यानचेस्टर सिटीलाई पराजित भएको छ । टोटेनह्यामले १–० ले गोलले म्यानचेस्टर सिटीलाई पराजित गरेको हो ।
खेलको १५औँ मिनेटमा टोटेनह्यामका ह्यारी केनले गरेको गोल नै निर्णायक बन्यो । हारपछि शीर्ष स्थानमा पुग्ने होडमा रहेको म्यानचेस्टर सिटीलाई धक्का लागेको छ । दोस्रो स्थानमा रहेको म्यानचेस्टर सिटीको २१ खेलमा ४५ अङ्क छ ।
जितपछि टोटेनह्यामको भने २२ खेलमा ३९ अङ्क छ । टोटेनह्याम अङ्क तालिकाको पाँचौँ स्थानमा छ । यस्तै, गएराति नै भएको अर्को खेलमा नटिङ्घम फरेस्ट विजयी भएको छ । लिड्स युनाइटेडलाई १–० गोल अन्तरले हराउँदै नटिङ्घम फरेस्ट विजयी भएको हो ।
