काठमाडौं । पश्चिम नेपालमा भएको हल्का वर्षाले कृषक खुशी भएका छन् । पश्चिम वायु बुधबार विहान नेपाल प्रवेश गरेसँगै सुदूरपश्चिम, लुम्बिनी, कर्णाली र गण्डकी प्रदेशका उच्च हिमाली क्षेत्रमा हल्का वर्षा र हिमपात भएको छ ।

मौसम पूर्वानुमान महाशाखाका अनुसरा बुधबार दिउँसोबाट यो क्षेत्रका मौसम बदलीसँगै वर्षा र हिमपात भएको सुरु भएको हो । महाशाखाका अनुसार आज पनि यी क्षेत्रका केही स्थानमा वर्षा र हिमपात हुनेछ ।

शनिबारसम्म पनि यी क्षेत्रमा वर्षा र हिमपात हुन सक्ने महाशाखाले जनाएको छ । पश्चिमी न्यून चापीय प्रणालीले पश्चिमका पहाडी क्षेत्रमा सामान्य वर्षा गराए पनि ठूलो पानी पर्ने सम्भावना भने नरहेको महाशाखाले जनाएको छ ।

उता तराई र मधेसमा हिजो केही समय फाटेपनि आज विहानैबाट बाक्लो हुस्सु लागेको छ ।