अनलाइन डबली
काठमाडौं । नेपाल टेलिकमले कम्पनीले रिचार्ज गरेवापत १० जीबी डाटा बोनस अफर ल्याएको छ । रिचार्ज कार्डबाट आफ्नो मोबाइल रिचार्ज (टपअप) गरेबापत ग्राहकलाई बोनस डाटा उपलब्ध गराउने कम्पनीले जनाएको छ ।
ग्राहकले दुई सय, पाँच सय र एक हजार रुपैयाँ दरका रिचार्ज कार्ड प्रयोग गरी मोबाइल रिचार्ज गर्दा कम्पनीले बाेनस डाटा उपलब्ध हुनेछ । दुई सय रुपैयाँकाे रिचार्ज कार्ड प्रयोग गर्दा एक दिन प्रयाेग गर्न सकिने एक जीबी डाटा र पाँच सय रुपैयाँकाे रिचार्ज कार्ड प्रयोग गर्दा चार दिनसम्म प्रयोग गर्न सकिने चार जीबी डाटा उपलब्ध हुनेछ ।
त्यसैगरी एक हजार रुपैयाँकाे रिचार्ज कार्ड प्रयोग गर्दा १० दिनसम्म प्रयोग गर्न सकिने १० जीबी डाटा बाेनस स्वरूप प्राप्त हुने टेलिकमले जनाएकाे छ ।
यो अफर आजबाट (२०७९ मङ्सिर २०) आउँदाे पुस १९ गतेसम्म जीएसएम प्रिपेड तथा पोस्टपेड मोबाइल प्रयोगकर्ताका लागि उपलब्ध हुने टेलिकमले जनाएकाे छ ।
