![](https://onlinedabali.com/wp-content/uploads/2022/11/xi-sols.jpg)
काठमाडौँ । पछिल्लो पटक युक्रेनलाई सहयोग घटाउँदै लगेको जर्मनका चान्सलर ओलाफ सोल्स चीन भ्रमणमा रहेका छन् । रुसले युक्रेनमाथि गरेको सैन्य कारवाहीलाई लिएर युरोपमा चीनसँग सम्बन्ध चिसिदै गएको बेला चान्सलर सोल्सले चीन भ्रमण गरेका छन् ।
विश्वव्यापी समस्याहरू चीनसँगको सहकार्यबाट मात्र समाधान गर्न सकिने बताउँदै चीन पुगेका चान्सलर सोल्सले चिनियाँ सी चिनफिङसँग भेटवार्ता गरेका छन् । रुसले ग्यास निर्यात रोकेसँगै संकट उन्मुख युरोपको शक्ति र अर्थ सम्पन्न जर्मनका चान्सलरको चीन भ्रमणले विश्व राजनीतिमा समेत चर्चा भएको छ । केही समयदेखि रुसमाथि गरिएको नाकाबन्दी युरोपको लागि प्रतिउत्पादक हुने बताउँदै आएको सोल्सले युक्रेन घटनाबारे नयाँ नीति लिन सक्ने बताइएको छ ।
अन्तर्राष्ट्रिय संचारमाध्यमहरुका अनुसार जर्मनले युक्रेनलाई सहयोग नगर्ने मुडमा पुगेको छ भने रुससँगको सम्बन्ध सुधारको प्रयास गरिहरेको छ । त्यसैको सिलसिलामा चीन भ्रमण निस्किएको बताइएको छ । युरोपका अन्य देशहरुले सोल्सको भ्रमणलाई युक्रेन घटनाबारे फरक नीति लिन सक्ने शंका गरेका छन् ।
सीसँगको भेटमा जर्मन चान्सलर सोल्सले युक्रेनसँगको युद्ध रोक्न रुससँग मनाउन आग्रह गरेको समाचार एजेन्सीहरुले जनाएका छन् । सोल्सले युक्रेन घटनाबारे निन्दा गर्न चीनसँग आग्रह गरेका थिए । तर, चिनियाँ राष्ट्रपति सीले रुसले युक्रेनमा गरेको आक्रमणको निन्दा गर्न अस्वीकार गरेको बीबीसीले जनाएको छ । चीन र जर्मनी ठूला व्यापारिक साझेदार हुन् ।
सोल्सले चीनमा ११ घण्टा बिताएर स्वादेश फिर्ता भएका छन् । उनले अब कस्तो नीति लिन्छन् युरोपमा चाँसो बढेको बताइन्छ । चान्सलर सोल्सले युक्रेन घटनाबारे नयाँ कदम चाल्न सक्ने अन्तर्राष्ट्रिय मामिलाका जानकारहरु बताउँछन् ।