![](https://onlinedabali.com/wp-content/uploads/2022/09/jhadap_GVoK3afHGq.jpg)
किर्गिस्तान । ताजिकिस्तान सीमामा भएको झडपमा झण्डै ३० जनाको मृत्यु हुनुका साथै दर्जनौं घाइते भएका छन् ।
सोभियत संघको पतन भएदेखि नै विवादित दुई भूतपूर्व सोभियत राज्यहरूबीच नियमित रूपमा लडाइँ भइरहन्छ । हप्ताको सुरुमा सुरु भएको नयाँ झडप शुक्रबार पनि जारी रह्यो, यद्यपि दुई देशले युद्धविरामका सहमति जनाएका थिए ।
दुवै पक्षले हिंसा सुरु गरेको र युद्धविराम उल्लंघन गरेको आरोप एक अर्कालाई लगाएका छन् । किर्गिजस्तानमा हालसम्म २४ जनाको मृत्यु भइसकेको किर्गिज स्वास्थ्य मन्त्रालयले शुक्रबार जनाएको छ ।
हिंसाबाट बच्न झण्डै २० हजार मानिस आफ्नो घर छोडेर भागेका रेड क्रसको क्षेत्रीय शाखाले रिपोर्ट गरेको छ । गत वर्ष दुई देशबीच सीमामा भएको झडपमा कम्तीमा ५० जनाको मृत्यु भएको थियो ।
यसैबीच मध्य चीनस्थित च्याङ्सा सहरमा रहेको एउटा ४२ तल्ले गगनचुम्बी भवनमा आगलागी भएको छ । ‘लोटस गार्डेन चाइना टेलिकम’ नामक भवनमा आज स्थानीय समय दिउँसो ३.४८ बजे आगलागी भएको थियो ।
हुनान अग्निनियन्त्रक विभागका अनुसार आगो निभाउन १७ वटा केन्द्रका ३६ दमकल र २८० अग्निनियन्त्रकहरु प्रयोग गरिएको थियो ।आगजनी साँझ ५ बजेसम्म नियन्त्रणमा आइसकेको भए पनि दमकलले उद्धार कार्य जारी राखेको थियो ।
आगो निभ्दासम्म कुनै हताहति पाइएको थिएन । सामाजिक सञ्जालमा शेयर गरिएका भिडियोहरूमा सयौं मिटर टाढाबाट पनि धुवाँको मुस्लो देखिन्छ ।
सन् २००० मा निर्माण पूरा हुँदा यो २१८ मिटर अग्लो भवन च्याङ्शाको सबैभन्दा अग्लो भवन थियो । भवनमा जमिनभन्दा माथि ४२ तला र भूमिगत दुई तला छन् ।