हुम्ला । हुम्लाको सर्केगाड गाउँपालिकाको अध्यक्षमा नेपाली कांग्रेसका ठानबहादुर रोकाया र उपाध्यक्षमा नेकपा माओवादी केन्द्रका चन्द्रसिंह कार्की (मुक्ति) विजयी भएका छन् ।
अध्यक्षमा रोकायाले ३ हजार ५ सय ४३ मत पाएर विजयी हुँदा उनका निकटतम प्रतिद्वन्द्वी नेकपा एमालेका ज्ञामी बुमीले ९९७ मत पाएर पराजित भएका छन् ।

त्यस्तै, गाउँपालिका उपाध्यक्षमा कार्कीले ३ हजार २ सय ८२ मत पाएर विजयी हुँदा उनका प्रतिस्पर्धी एमालेकी ज्योति शाहीले १ हजार ७१ मत पाएर पराजित भएकी छिन् ।
गाउँपालिकामा तीन दलीय (कांग्रेस, माओवादी केन्द्र र एकीकृत समाजवादी) बीच गठबन्धन भएको थियो ।
गाउँपालिकाका कुल ८ वडामध्ये ३ माओवादी, २ कांग्रेस, २ एमाले र १ स्वतन्त्रले जितेको जिल्ला निर्वाचन अधिकृतको कार्यालय हुम्लाले जनाएको छ ।