अनलाइन डबली
हुम्ला । हुम्लाको नाम्खा गाउँपालिकाको अध्यक्षमा माओवादी केन्द्रका प्रेम लामा र उपाध्यक्षमा नेपाली कांग्रेसका तक्दीर लामा विजयी भएका छन् ।
अध्यक्षमा मावादीका लामाले १४६६ मत ल्याए भने उनका प्रतिस्पर्धी स्वतन्त्र उम्मेदवार सूर्यबहादुर लामाले ६६२ मत ल्याएका थिए । यस्तै उपाध्यक्षमा कांग्रेसका लामाले १०९४ मत ल्याए, उनका निकटतम प्रतिस्पर्धी स्वतन्त्र उम्मेदवारले ५६५ मत ल्याए भने एमालेका नुरजङ तामाङले ४८२ मत ल्याए ।
यो गाउँपालिकाको वडानम्बर २, ३ र ६ मा स्वतन्त्र, १ र ४ मा एमाले र पाँचमा कांग्रेस विजयी भएका छन् । ६ नम्बरका अध्यक्ष यसअघि नै निर्विरोध निर्वाचित भएका थिए ।
त्यस्तै हुम्लाकै सर्केगाड, ८ रादेउमा नेकपा(मओवादी केन्द्र)का रंगमल रोकाया अध्यक्षमा विजयी भएका छन् । खुला सदस्यमा धनबहादुर ऐडी र लालधन ऐडी विजयी भएका छन् ।
महिला सदस्यमा प्रमिला रोकाया विजयी भएका छन् । नेकपा माओवादी समजवादीकी हस्ता वि. क. भने दलिल महिला सदस्यमा यस अघि नै निर्विरोध निर्वाचित भइसकेकी थिइन् ।
