![](https://onlinedabali.com/wp-content/uploads/2022/04/pulletola-chatang-1-17-e1651286574915.jpg)
अछाम । जिल्लाको पुल्लेतोलामा चट्याङबाट एक जनाको ज्यान गएको छ । पञ्चदेवल निवायक नगरपालिका वडा नम्बर ७ को पुल्लेतोलास्थित काटियाँमा गएराति परेको चट्याङबाट कम्माने कामीको १२ बर्षीय छोरा सुरत कामीको ज्यान गएको छ ।
स्थानीय युवा समाजसेवी मकर रावलले दिएको जानकारीअनुसार गएराति हावा–हुरी र बर्षसँगै परेको चट्याङबाट ६० बर्षीय रने कामी, उनकी श्रीमति ५५ वर्षीय मना कामी, भाइबुहारी जयसरा कामी, ७० बर्षी बृकिसे रावल घाइते भएका छन् । उनीहरुको अवस्था गम्भीर रहेको रावलले जानकारी दिए ।
चट्याङबाट कम्माने कामीका दुई बाख्रा मरेका छन् भने नजिकै रहेको देवकी निमावीको सोलार सिस्टममा पनि क्षति पुगेको छ ।
अहिले पनि मौसम बदली भइरहेकोले स्थानीय डराइरहेका छन् । घटनास्थलमा दुई जना प्रहरीको टोली पुगेको भने विपत्त व्यवस्थापनको टोली कमलबजारबाट हिडेको छ ।
उक्त क्षेत्रमा प्रत्येक बर्ष चट्याङ परेर जनधनीको क्षति हुँदै आएको छ । प्रत्येक बर्ष दुई तीन पटक चट्याङ पर्न थालेपछि स्थानीयले सो क्षेत्रको विज्ञ टोलीले अध्ययनको लागि माग गर्दै आएका छन् ।
स्थानीय अगुवाहरुले पनि बस्ती उठाउन सरकारसँग माग गर्दै आएका छन् । तर अहिलेसम्म कुनै सुनुवाई हुन सकेको भन्दै मकर रावलले सरकार गम्भीर हुनुपर्ने बताउँछन् ।