काठमाडौं । राष्ट्रिय प्रजातन्त्र पार्टी (राप्रपा) को महाधिवेशन जारी छ । नयाँ नेतृत्व चयन र आगामी कार्यक्रम पास गर्न आयोजना गरिएको एकताको महाधिशनमा नयाँ नेतृत्व चयनको लागि उम्मेदवारी दर्ताको कार्यक्रम सम्पन्न भएको छ ।
राप्रपाको नयाँ महामन्त्रीको लागि अभिनेत्री रेखा थापाले पनि उम्मेदवारी दर्ता गराएका छन् । रेखाले अध्यक्षको उम्मेदवार राजेन्द्र लिङ्देनको प्यालनबाट उम्मेदवारी दिएकी हुन् । रेखासँगै सो प्यालनबाट डा. धवल शम्शेर राणा, श्याम तिमिल्सिनाले पनि उम्मेदवारी दिएका छन् ।
त्यसैगरी लिङ्देन प्यानलबाट उपाध्यक्षमा बिक्रम पाण्डे, दिलविकास राजभण्डारी, रामचन्द्र राय र लीला श्रेष्ठ उम्मेदवार रहेका छन् । थापा प्यानलबाट उपाध्यक्षमा बुद्धिमान तामाङ, विक्रम पाण्डे, ध्रुवबहादुर प्रधान र महिला उपाध्यक्षमा रोशन कार्कीले उम्मेदवार दिएका छन् । त्यस्तै थापा प्यानलबाटै महामन्त्रीमा भुवन पाठक, भास्कर भद्रा र कुन्ती शाही रहेका छन् ।
विक्रम पाण्डे लिङ्देनतिर लागेपनि थापाले पनि आफ्नो प्यानलमा राखेका छन् । भोलि शनिबार मतदान हुँदैछ ।
देशभरबाट आएका प्रतिनिधिहरुले रेखा थापाको पक्षमा नाराबाजी गरिरहेका छन् । राप्रपामा युवा पुस्ताको इन्ट्री हुनुपर्ने प्रतिनिधिले बताएका छन् ।
