काठमाडौं । बिहीबार नेपाली बजारमा सुनको भाउ घटेको छ । आज सुनको भाउ तोलामा ५०० रुपैयाँले घटेको ।
नेपाल सुनचाँदी व्यवसायी महासंघका अनुसार बिहीबार छापावाला सुन प्रतितोला ९३ हजार ९०० रुपैयाँ र तेजाबी सुन प्रतितोला ९३ हजार ४०० रुपैयाँमा खरिद बिक्री भइरहेको छ।
अघिल्लो दिन (बुधबार) छापावाला सुन प्रतितोला ९४ हजार ४०० र तेजाबी सुन प्रतितोला ९३ हजार ९०० रुपैयाँमा खरिद बिक्री भएको थियो।
त्यस्तै, चाँदीको मूल्य भने तोलामा ५ रुपैयाँले बढेको छ। बढेको मूल्यसँगै चाँदी प्रतितोला १ हजार ३५५ रुपैयाँमा खरिद बिक्री भइरहेको छ। बुधबार चाँदी प्रतितोला १ हजार ३५० रुपैयाँ कायम भएको थियो ।
