काठमाडौँ । नेपालमा अहिलेसम्मकै धेरै जनाले कोरोना भाइरससँग जितेर घर फर्केका छन् । स्वास्थ्य तथा जनसंख्या मन्त्रालयका अनुसार मंगलबार देशका विभिन्न अस्पताल र आइसोलेसन सेन्टरबाट गरी जम्मा २ हजार २ सय ८७ जना डिस्चार्ज भएका छन् ।
मन्त्रालयका प्रवक्ता डा. जागेश्वर गौतमका अनुसार मंगलबारसम्म कुल कोरोना जित्नेको संख्या ३२ हजार ९६४ पुगेको छ । त्यसैगरी मंगलबार थप ९०२ जनामा कोरोना भाइरस संक्रमण पुष्टि भएको छ । प्रवक्ता जागेश्वर गौतमका मंगलबार कुल संक्रमितको संख्या ४८ हजार १३८ पुगेमने छ ।
त्यसैगरी देशभर सक्रिय संक्रमितको संख्या १४ हजार ८६८ रहेको छ । जसमा संस्थागत आइसोलेशनमा ८ हजार ५३ रहेका छन् भने होम आइसोलेशनमा ६ हजार ८१५ जना रहेका छन् । यस्तै आज १० हजार ६११ जनाको पीसीआर परीक्षण भएको छ ।
प्रवक्ता गाैमले पछिल्लो २४ घण्टामा थप ६ जनाको कोरोनाबाट ज्यान गएको जानकारी दिए । योसँगै ज्यान गुमाउनेको संख्या ३०६ पुगेको छ। त्यसैगरी पछिल्लो २४ घण्टामा काठमाडौं उपत्यकामा थप ३९६ जनामा कोरोना भाइरस (कोभिड-१९) संक्रमण पुष्टि भएको छ। प्रवक्ता गौतमका अनुसार काठमाडौंका ३००, भक्तपुरका ५८ र ललितपुरका ३८ जनामा कोरोना भाइरस संक्रमण पुष्टि भएको छ ।
विभिन्न प्रयोगशालमा गरिएको परीक्षणमा उपत्यकामा थप ३९६ जनामा कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।
- फाइल फोटो
