काठमाडौं । नेपाल कम्युनिस्ट पार्टी (नेकपा) का कार्यकारी अध्यक्ष प्रचण्ड र वरिष्ठ नेता माधवकुमार नेपालबीच भेटवार्ता भएको छ । शनिबार बस्ने सचिवलाय बैठकको तयारी गर्न कोटेश्वरमा प्रचण्ड र नेपालबीच शुक्रबार छलफल भएको हो ।
छलफल गर्न प्रचण्ड नेता नेपाल निवास पुगेका थिए । दुबै नेताबीच लामो छलफल भएको छ । प्रधानमन्त्री मन्त्री तथा अर्का अध्यक्ष केपी शर्मा ओलीले राखेको प्रस्ताव र राजदूतमार्फत चीनले पठाएको सन्देशबारे पनि छलफल भएको बताइएको छ ।
नेपालस्थित चिनियाँ राजदूत होउ याङछीले आजै प्रचण्ड र नेपाललाई छुटाछुटै भेटवार्ता गरेकी थिइन् । (नेकपा)का अन्तर्राष्ट्रिय विभाग उपप्रमुख विष्णु रिजालले दुबै नेता र राजदूतबीच भेटवार्ता भएको बताएका छन् ।
छलफलमा प्रचण्ड र नेपालले चीनले पठाएको सन्देशबारे पनि छलफल भएको (नेकपा) स्रोत बताउँछ ।
प्रधानमन्त्री ओलीले राखेको प्रस्तावलाई ठाडै अस्वीकार गरेका नेता र प्रचण्डबीचको शुक्रबार छलफलमा भोलि पनि एक भएर पेश हुने सहमति भएको बताइएको छ ।
बुधबार साँझ बसेको सचिवालय बैठकमा प्रधानमन्त्री ओलीले राखेको प्रस्तावले उपाध्यक्ष वामदेव गौतमलाई पनि प्रभावित पारेको छ । गौतम विहीबार र शुक्रबार कानुनी परामर्शमा लागेका छन् ।
- फाइल फोटो
