काठमाडौं । गोरु काटेर खाएको आरोपमा प्रहरीले ४ जनालाई पक्राउ गरेको छ ।
काठेखोला गाउँपालिका-१ पालाका ४ जनाले पालाकै चिहानडाँडामा गोरु काटेर खाएको आरोप लागेपछि प्रहरीले पक्राउ गरेको हो ।
पक्राउ पर्नेमा ४७ वर्षिय यामबहादुर सार्की, २९ वर्षिय रेशम सार्की, २४ वर्षिय आइते किसान र १८ वर्षिय रवि किसान पक्राउ परेका हुन् ।
उनीहरुको साथबाट गोरु काट्नका लागि प्रयोग भएका बन्चरो र दाउरा पनि बरामद गरेको प्रहरी नायब उपरिक्षक झविन्द्रप्रसाद भट्टराईले जानकारी दिए । उनीहरुलाई पशुवधसम्बन्धी कसुरमा मुद्दा चलाईनेछ ।
गाई गोरु मार्न र काट्न कानूनले निषेध गरेको छ । घटनाबारे थप अनुसन्धान भइरहेको प्रहरीले जनाएको छ ।
