काठमाडौं। समाचार संकलनका लागी त्रिभुवन विश्वविद्यालय पुगेका पत्रकार केबी गाँउले रिपोर्टिङ स्थलबाटै पक्राउ परेका छन् । त्रिभुवन विश्वविद्यालय सेवा आयोगको गेटमा जारी अनशनका बारेमा समाचार संकलन गर्न पुगेका गाँउलेलाई बुधवार प्रहरीले पक्राउ गरेको हो ।
केबी गाँउलेका नामले परिचित पत्रकार कृष्ण बहादुर बिक राजधानी काठमाडौंबाट प्रकाशित हुने सुदर्शन साप्ताहिक पत्रीकाका प्रधान सम्पादक हुन । बुधबार दिउसाे साढे १२ बजेतिर पक्राउ गरेर उनलाई महानगरीय प्रहरी परिसर,टेकुमा राखिएको छ । गाँउलेका बारेमा प्रारम्भिक अनुसन्धान भईरहेकाे टेकुका एसएसपी उत्तम सुवेदीले जानकारी दिएका छन् ।
यसैबिच घटनाको बिरोध गर्दै क्रान्तिकारी पत्रकार संगठन, नेपालले गिरफ्तार गरिएका पत्रकार गाँउलेको रिहाइको माग गरेको छ । संगठनका अध्यक्ष डिल्लिराज रावतले एक प्रेस बिज्ञप्ती जारी गर्दै गाँउलेलाई अबिलम्ब रिहा गर्न माग गरेका छन् । पछिल्लो समय राज्य प्रेस जगतमाथी आक्रामक ढंगले प्रस्तुत भइरहेको उल्लेख गर्दै अध्यक्ष रावतले पत्रकारमाथी धरपकड नरोकिए कडा आन्दोलनमा उत्रीने चेतावनी समेत दिएका छन् ।
यस्तो छ बिज्ञप्ती….
