काठमाडौँ । आज ८ मार्च अर्थात अन्तर्राष्ट्रिय नारी दिवस । १ सय ९ औं अन्तर्राष्ट्रिय श्रमिक महिला दिवस आज विविध कार्यक्रम गरी मनाइँदैछ ।
महिला मुक्ति आन्दोलनकी अभियन्ता क्लारा जेट्कीनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर अन्तर्राष्ट्रिय श्रमिक महिला दिवस मनाउने थालिएको हो । महिला दिवस फेसन जस्तै भएको छ ।
यसै सन्दर्भमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्र केपी शर्मा ओली र विभिन्न पार्टीका नेताहरुले नारी दिवसको शुभकामना सन्देश दिएका छन् । सरकारले आज सार्वजनिक विदा समेत दिएको छ ।
महिला मुक्तिको सरकार र सम्बन्धित पक्ष गम्भीर नहुने तर दिवस धुमधामसँग मनाउने गरिन्छ । त्यसको सिको नेपालमा हुँदै आएको छ ।निर्मला पन्तलगायतका नारीमाथि भएको बलात्कार-हत्याका दोषिलाई कारवाही गर्न नसक्ने तर नारी दिवस भन्दै कार्यक्रम गर्नुको कुनै अर्थ नभएको महिला अधिकारका अभियान्ताहरु बताउँछन् ।
यसरी मनाउन थालियो श्रमिक महिला दिवस
सन् १९०६ मा सम्पन्न महिलाहरूको प्रथम अन्तर्राष्ट्रिय सम्मेलनबाट क्लारा जेटि्कन सेक्रेटरी भइन् । त्यसपछि १९०८ मार्च ८ को दिन अमेरिकाको शिकागो सहरमा महिलाहरूले समान अधिकारको माग लिएर महिलाहरूले हड्ताल र विशाल जुलुश प्रदर्शन गरे ।
महिला हक अधिकारको माग गर्दै भएको सोही प्रारम्भिक आन्दोलनको स्मरण तथा महिला अधिकारको संघर्षको दिनका रुपमा ८ मार्चलाई महत्वपूर्ण दिनमा रुपमा मान्ने गरिएको छ ।
क्लारा जेटि्कन सन् १९१० मा कोपेनहेगेनमा महिलाहरूको द्वीतीय अन्तर्राष्ट्रिय सम्मेलनमा जर्मनी मार्क्सवादी नेतृ क्लारा जेटि्कनले ८ मार्चलाई अन्तर्राष्ट्रिय श्रमिक महिला दिवसको रूपमा मनाउने प्रस्ताव राखिन् र त्यो प्रस्ताव पारित भएपछि सन् १९११ देखि विश्वभरिका महिलाहरूले ८ मार्चलाई अन्तर्राष्ट्रिय महिला श्रमिक दिवसको रूपमा मनाउन थालेका हुन् ।
