अनलाइन डबली
काठमाडौं । काठमाडौँमा रहेका हुम्लीहरूले दशैं–तिहारको उपलक्ष्यमा शुभकामना आदानप्रदान गरेका छन् । उनीहरूले नेपाली कम्युनिस्ट पार्टी जिल्ला समिति हुम्ला र हुम्ला काठमाडौँ सम्पर्क समितिको आयोजनामा भएको कार्यक्रममा उक्त शुभकामना आदानप्रदान गरेका हुन् ।
नेपाली कम्युनिष्ट पार्टीका प्रवक्ता प्रकाश ज्वालाले हिजो काठमाडौ र आज विदेश बसेकाले प्रभावित पार्ने समय आएकाले युवा, प्रवास र श्रमजीविको वीचमा संगठन विस्तारमा लाग्नपर्नेमा जोड दिए। उनले जो जहाँ गएपनि हुम्लाको हुँ भनी पार्टी र आन्दोलन का लागि योगदान गर्न अपिल गरे, “आफ्नो जिल्लाप्रति माया गर्नुहोस ।”
प्रदेश इञ्चार्ज चन्द्र वहादुर शाहीले हुम्लाका जिम्मेवार नेताहरु जिम्मेवार नहुदाको पीडा जिल्ला र प्रदेशले भोगेको र अव त्यसो हुन नदिने वुद्धि पलाउनुपर्ने बताए ।
प्रदेश सह इञ्चार्ज अमर बहादुर शाहीले हुम्लाको गैरजिमेवार प्रवृति र अनुशासनमा सुवुद्धि ल्याउन दशै तिहारले भूमिका खेलोस् भने ।
प्रदेश संयोजक विमला केसीले जो जहाँ छ त्यहाँ पार्टीका लागि भूमिका खेल्नपर्ने बताए । उनले अधिकार खोज्नेले कर्तव्य पूरा गर्नपर्ने र अहिले जिल्ला इन्चार्ज र संयोजक निरन्तर खटेको बताउँदै आलोचक सबैलाई हैसियत कायम गर्न अनुरोध गरे।
सम्पर्क समन्वय समिति सह संयोजक श्रीकृष्ण अधिकारीले देश संकटमा रहेको र त्यसबाट मुक्तिका लागि सवै तागत संगठन निर्माणमा लगाएर सडकमा उत्रने वेला आएको बताए ।
हुम्ला जिल्ला इञ्चार्ज हस्त बहादुर शाहीले हुम्लामा कस्तो पार्टी बनाउने र हुम्लाको विकास तथा वाम एकता सम्बन्धी पहल लिएको जानकारी गराए ।
नेपाली कम्युनिष्ट पार्टीका केन्द्रीय सदस्य तथा जिल्ला संयोजक डा. दीपेन्द्र रोकायाले जिल्लाको अवस्था, अधिकार, विकास र समृद्धिको चर्चा गरे। उनले पार्टीले वैचारिक काम गर्नुका साथै अवको नेतृत्व आन्तरिक प्रि इलेक्सन गरेर जाने तयारी भइरहेको पनि बताए ।
नेपाली कम्युनिष्ट पार्टी केन्द्रीय सदस्य कार्चेनले कम्पनिष्ट झण्डा बेचेर व्याज खाने स्थिति रहन नहुने बताए ।
जिल्ला समन्वय प्रमुख शिवराज शर्माले पार्टी बलियो बनाउने हो भने कम्युनिस्ट पार्टीलाई मियो बनाएर लाग्नुपर्ने बताए ।
कार्यक्रममा सर्केगाड गाउँपालिका उपाध्यक्ष देवकी तिमल्सिनाले साझा संकल्प पुरा गर्न प्रेरणा मिलोस् भनी शुभकामना दिए ।
कार्यक्रममा पार्टी केन्द्रीय सदस्य सीता शाही लगायतले शुभकामना दिए।
संयोजक डा. दीपेन्द्र रोकायाको अध्यक्षतामा सम्पन्न कार्यक्रममा सम्पर्क समितिका वेलमती रोकायाले दैचाउल लगाएर र संवाद डवलीका धनञ्जय बुढाले स्वागत मनतव्य, कर्नाली मुक्ति मोर्चा केद्रीय सदस्य सूर्य बहादर ऐडीको सञ्चालनमा सम्पन्न भयो ।
